شغلت واقعة غريبة الشارع المصري خلال الساعات الأخيرة الماضية التي أثارت ضجة وجدلا واسعين، بعد إقدام الإعلامية المصرية سما أحمد على الهروب من حفل زفافها في مدينة الشيخ زايد بمصر.
وقوبلت هذه الواقعة بتساؤلات أثارتها الإعلامية سما أحمد عن السبب الذي أجبرها على التراجع في اللحظات الأخيرة عن اتمام الزفاف، لتخرج المذيعة المصرية عن صمتها وتكشف حقيقة هروبها الصادم، وفق ما أورد موقع “القاهرة 24”.
وقالت سما أحمد في تصريحات تلفزيونية: “والدتي تعبانة من فترة وجاتلها جلطة، والستات المصرية لما بيتعبوا بيحبوا يطمنوا على بناتهم، فقالت ليا يا سما عايزاكي تتجوزي فلان، فقلت لها حاضر لأني عايزة أريحها وتكون سعيدة”.
وأوضحت سما أحمد أنها “لا تعرف خطيبها جيدًا، وعرضت على والدتها أن تتيح لها الفرصة من خلال فترة للخطوبة للتعرف عليه، إلا أن والدتها رفضت وطللبت منها سرعة إتمامها للزواج”.
وأضافت: “في 10 أيام بس اتفقوا هنكتب الكتاب ونجيب الفستان، ولقيت نفسي بتجوز وأنا ماتكلمتش معاه ساعتين على بعض..أنا مش عايزة أزعلها وأضايقها، فقلت حاضر هضغط على نفسي عشان أشوف الفرحة في عينها لأنها مريضة والحالة تتدهور”.
وتابع في شرح سبب الهروب: “أنا مخطوبة من بني آدم أول مرة يقعد جنبي، وأول مرة هيمسك إيدي، والمعازيم قالوا ولي حاولي تنبسطي، لكن أنا كل اللي كان يهمني نظرة ماما إنها فرحانة، وسبحان الله المأذون اتأخر، ولما المأذون جه، وبيكتب القسيمة قمت قلت له قدام الناس أنت شخص محترم وجميل وفيك كل الصفات الحلوة، أنا آسفة أنا مش قادرة أكمل”.
وأردفت القول: “أخدت فستاني ومشيت ومش قادرة أواجه حد، الدنيا اتقلبت وقالوا هربت، بس أنا ما هربتش ولا عملت دا عشان أركب التريند، مش هركب التريند على حساب نفسي”.
إقرأ أيضاً: عروسا الإسماعيلية يخرجان عن صمتهما ويكشفان